Մայիսի 26-ին, ժամը 17.00-ին, անհայտ ավտոմեքենայի վարորդը Երեւանի Բուռնազյան փողոցի թիվ 37 շենքի մոտ վրաերթի է ենթարկել 15-ամյա աղջկա, որը մարմնական վնասվածքներով դիմել է հիվանդանոց:
Ոստիկանության մամուլի ծառայությունից հայտնում են, որ ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ վրաերթը կատարել է «Մերսեդես Ա» մակնիշի ավտոմեքենայի վարորդը, որը բացատրական աշխատանքների շնորհիվ նույն օրը, ժամը 20.30-ին, ներկայացել է ոստիկանություն եւ տվել խոստովանական բացատրություն:
Կատարվում է քննություն:
