Տեղեկատվություն տարածելու պայքարում Հայաստանը Ադրբեջանին որակով է պատասխանում։ Այս մասին մայիսի 27-ին խորհրդարանում հայտարարեց փոխարտգործնախարար Սերգեյ Մանասարյանը՝ ներկայացնելով 2014թ. գերատեսչության գործունեության հաշվետվությունը։
Նրա խոսքով՝ տպագիր նյութերի վրա ԱԳՆ-ն ծախսել է 98.7 մլն դրամ։ Դրանք տպագրվել են տարբեր լեզուներով եւ տարածվել են ողջ աշխարհում։ Հարցին, թե կարելի է արդյոք այդ ծախսերով մրցակցել Ադրբեջանի հետ, Մանասարյանը պատասխանեց. «Չեմ կարծում, եր պետք է ծախսերով մրցակցենք։ Սակայն մենք տարել ենք ու տանում ենք բարձր որակի մեծ աշխատանք»։
