Սիրիայում Հայաստանի դիվանագիտական կորպուսը դիմում է ներկայացրել Դամասկոսում եւ Հալեպի հյուպատոսարանում անվտանգության լրացուցիչ միջոցներ ձեռնարկելու հարցով։ Այս մասին մայիսի 27-ին խորհրդարանում հայտարարեց ՀՀ փոխարտգործնախարար Սերգեյ Մանասարյանը։

Նա նշեց, որ դիմումի հիմնական մասը վերաբերում էր Հալեպին։ Պաշտոնյայի խոսքով՝ դիվանագետները խնդրել են ավտոմատ ռեժիմով աշխատելու համար հյուպատոսարանին այլընտրանքային էներգիայի գեներատոր հատկացնել։ «Հալեպի անվտանգության առումով խոսքը վերաբերում էր նաեւ նոր տեխնիկական աշխատակիցներին։ Համապատասխան ստուգումների արդյունքում մենք արդեն լուծել ենք այդ հարցը»,- նշեց փոխնախարարը։