Ամերիկյան Նյու Յորքի նահանգի Հաափոջ քաղաքում գրենական պիտույքներ արտադրող ընկերության արտադրամասում 17 աշխատակիցներ թունավորվել են շմոլ գազից:
Liqui-Mark ընկերությանը պատկանող օբյեկտի աշխատակիցներից մեկը մայիսի 27-ին բողոքել է սրտխառնոցից եւ գլխացավից: Բժիշկները զննել են 30 աշխատակիցների, որոնցից 17-ի մոտ շմոլ գազից թունավորման ախտանշաններ են եղել, հաղորդում է NBC հեռուստաալիքը՝ վկայակոչելով տեղի ոստիկանությանը:
Արտադրական օբյեկտի շինությունում հայտնաբերել են շմոլ գազի պարունակության բարձր մակարդակ, որի պատճառը կարող է լինել անբավարար օդափոխությունը: