WPP եւ Millward Brown գովազդային եւ վերլուծական ընկերությունների կազմած BrandZTM ամենամյա վարկանիշում Apple-ը ճանաչվել է աշխարհի ամենաթանկ ապրանքանիշը՝ առաջ անցնելով Google-ից։ Նրա արժեքը մեկ տարվա ընթացքում աճել է 67 տոկոսով եւ կազմել 247 մլրդ դոլար։

Ապրանքանիշի թանկացման հիմնական գործոնը եղել է ոչ թե AppleWatch նոր ժամացույցների լայն ժողովրդականությունը, այլ iPhone 6-ի հաջող վաճառքը։ Լավագույն եռյակը եզրափակում է Microsoft ապրանքանիշը, որի արժեքը թանկացնել է 28 տոկոսով եւ կազմել 115.5 մլրդ դոլար։

Լավագույն տասնյակում տեղ են գտել IBM-ը, Visa-ն, AT&T-ն, Verizon-ը, Coca-Cola-ն, McDonald’s-ը եւ Marlboro-ն։ Ամենաարագ տեմպերով աճող բարձր տեխնոլոգիական ընկերությունը Facebook-ն է, որը թանկացել է 99 տոկոսով, գրում է Sartg.ru-ն։

WPP-ի եւ Millward Brown-ի փորձագետները նշում են, որ էլեկտրոնային առեւտուրը հաճախ գերազանցում է ապրանքանիշի մանրածախ արժեքը։ Օրինակ՝ մանրածախ առցանց վաճառքի ամենահանրահայտ Alibaba եւ Amazon ցանցերը, որոնք խանութներ չունեն, ավելի թանկ արժեն, քան ողջ աշխարհում 11 հազար առեւտրի կետ ունեցող Walmart խանութների ցանցը։