Հարավային Կորեայի սահմանամերձ Հվաչհոն քաղաքում կամրջի փլուզման հետեւանքով վիրավորվել է առնվազն 21 զինծառայող, հայտնում են տեղական լրատվամիջոցները։

Հաղորդվում է, որ փլուզումը տեղի է ունեցել այն պահին, երբ Կորեայի Հանրապետության զինված ուժերի մարտիկները գիշերային մարզումների ժամանակ անցել են կամրջի վրայով։ Զինվորներին տեղափոխել են հիվանդանոց, գրում է ՏԱՍՍ-ը։

Դեպքի վայրում աշխատում են քննիչները, որոնք փորձում են պարզել փլուզման պատճառը։

Կամուրջը կառուցվել էր 7 ամիս առաջ։ Իշխանությունները չեն բացառել շինարարության ժամանակ թույլ տված անփութության հնարավորությունը։