Եթովպիայում հայտնաբերվել է մոտ 3.5 մլն տարի առաջ ապրած նախամարդու մնացորդներ։ Նախամարդը տարբերվում է մինչ օրս գիտությանը հայտնի տեսակներից։
Ինչպես գրում է Nature ամսագիրը, գիտնականները Եթովպիայի Աֆար շրջանում գտել են նախապատմական ժամանակաշրջանի մարդու ծնոտներ եւ ատամներ։
Հետազոտողները նոր տեսակը կոչել են Australopithecus deyiremeda, ինչը տեղի աֆարի լեզվով նշանակում է «մոտ բարեկամ», գրում է BBC-ի Ռուսական ծառայությունը։
Գիտնականները ընդգծում են, որ այդ գտածոն խոսում է այն մասին, որ մեր նախապապերի տեսակները ավելի բազմազան են եղել, քան մինչ այդ ենթադրում էին։