Մայիսի 27-ին, ժամը 11.10-ին, ոստիկանության Երեւան քաղաքի վարչության օպերատիվ կառավարման կենտրոն զանգահարած քաղաքացին հայտնել է, որ Ադոնցի փողոցի հոսպիտալի ցայտաղբյուրի մոտ ռազմամթերք է թողել:
Ոստիկանության մամուլի ծառայությունից հայտնում են, որ ոստիկանության Արաբկիրի բաժնի օպերատիվ խումբը նշված վայրից հայտնաբերել է նռնակի 5 պայթուցիչ, նռնակի 8 ձգան, 5.45 մմ տ/չ 62 փամփուշտ, տրոտիլային գլանաձեւ 3 պայթուցիչ, ինքնաձիգի 2 դատարկ պահունակ եւ ականանետի 4 մարտական գլխիկ:
Հայտնաբերվածն ուղարկվել է փորձաքննության:
Կատարվում է հետաքննություն: