Ֆրանսիայի հարավ-արեւմուտքում Բիարից քաղաքում մայիսի 27-ին, ֆրանսիացի եւ իսպանացի իրավապահների համատեղ գործողության արդյունքում զենքի պահեստ է հայտնաբերվել, որը պատկանում է բասկերի ETA ահաբեկչական կազմակերպությանը:
«Ռեյթերսի» փոխանցմամբ ոստիկաններին հաջողվել է ձերբակալել մի կնոջ, որը կասկածվում է ահաբեկիչների հետ կապեր ունենալու մեջ:
Թաքստոցում ոստիկանները հայտնաբերել են հրազենային զենք, ալյումինիումի փոշի, որն օգտագործվում է պայթուցիկներ պատրաստելու համար, հաղորդում է «ՌԻԱ նովոստին»: