Գերմանիայում դադարեցրել են մարազմի մեջ հայտնված ՍՍ-ի նախկին սպայի քրեական հետապնդումը։ Համբուրգի դատախազությունը ավելի վաղ հետաքննություն էր սկսել 93-ամյա տղամարդու նկատմամբ, որը ՍՍ-ի 16-րդ տանկային դիվիզիայում գնդի հրամանատար էր եղել։

Հոգեբուժական եւ նյարդաբանական փորձաքննությունները նրան մոտ մտագարության լուրջ դրսեւորումներ էին հայտնաբերել։ Գերմանիայի Սահմանադրության համաձայն՝ նման մարդիկ ազատվում են քրեական հետապնդումից, գրում է Lenta-ն Reuters-ին հղումով։

Տղամարդուն կասկածում էին 1944թ. օգոստոսի 12-ին Իտալիայի հյուսիսում ջարդ կազմակերպելու մեջ։ ՍՍ զորքերը Տոսկանայի Սանտա Աննա դի Ստացեմա գյուղում պարտիզանների դեմ պատժիչ գործողությունների շրջանակներում հարյուրավոր մարդկանց էին սպանել։