Շվեդ ձկնորսը 2 կգ քաշով քար է գտել, որը, ինչպես պարզվել է, Երկրորդ համաշխարհային պատերազմի ռումբ է։ Տղամարդը կարծել է, թե դա սաթ է, եւ որոշել է հանձնել Սաթի թանգարան։ Թանգարանի աշխատակիցները ոստիկաններ եւ սակրավորներ են կանչել։ Սաթի փոխարեն քարի կտորն իրականում տրոտիլ է եղել։
Ինչպես հայտնում է The Local-ը, քարը թանգարանում էր հայտնվել մեկ տարի առաջ։ Քարը գտած տղամարդը հայտնել էր, որ ձուկ որսալիս գտել է այն Բալթիկ ծովում։ Թանգարանի տնօրենը նշել է, որ ինքը հաստատ չգիտեր դա ինչ է, քանի որ 2 անգամ ավելի ծանր էր կշռում, քան սաթը։ Մայիսի 24-ին նա մասնակցել էր վտանգավոր թափոնների մասին միջոցառման, որտեղ ցույց էր տվել այդ քարը, որից հետո նրան խորհուրդ էին տվել ոստիկանություն զաանգահարել։
«Իհարկե ինձ ասացին, որ ինքն իրեն դա չի պայթի, սակայն ես մեծ թեթեւություն զգացի, երբ այն թանգարանից դուրս բերեցին»,- հայտարարել է տնօրենը։
