Հետազոտողները հայտարարում են. միջատներին որպես սնունդ ավելի գրավիչ դարձնելու համար հարկավոր է կենտրոնանալ դրանց համային եւ սննդարար հատկությունների ուղղությամբ:
ՄԱԿ-ի պարենային եւ գյուղատնտեսության կազմակերպության մասնագետները բազմիցս են հայտարարել, որ միջատները սննդի մեջ օգտագործելը կարող է զգալի օգնություն լինել քաղցի դեմ պայքարող երկրների համար: Միջատները շատ օգտակար են, քանի որ մեծ քանակությամբ սպիտակուցներ, ճարպեր եւ օգտակար այլ նյութեր են պարունակում:
Ըստ Gazeta-ի, սակայն, մարդկանց շատ դժվար է համոզել այդպիսի սնունդ օգտագործել: Բրիտանացի գիտնականները հետեւյալն են առաջարկում. դրա համար հարկավոր է պոտենցիալ սպառողների ուշադրությունը շեղել նորամուծության իրական պատճառներից, այսինքն՝ քաղցի դեմ պայքարից եւ գյուղատնտեսության վրա ճնշման նվազեցումից: Հարկավոր է նաեւ միջատները ներկայացնել որպես համեղ եւ լիարժեք սնունդ, սովորել դրանցից գրավիչ ուտեստներ պատրաստել, հատկապես՝ աղանդեր: