Կոտայքի մարզի Գեղաշեն գյուղի 44-ամյա բնակիչ Աշոտ Ղարիբյանը, որը լրջորեն վիրավորվել էր ուժգին մրրիկի հետեւանքով, վիրահատվել է։ Այդ մասին NEWS.am-ի թղթակցի հետ զրույցում հայտնել է «Սուրբ Գրիգոր Լուսավորիչ» բուժկենտրոնի վերակենդանացման բաժանմունքի վարիչ Սամվել Կարապետյանը։ Նրա խոսքով, վիրահատվել է ողնաշարի պարանոցի հատվածը։ Ղարիբյանին նաեւ անջատել են արհեստական սնուցման սարքից։ «Իհարկե կա դրական առաջընթաց, սակայն հիվանդի վիճակը դեռ ծանր է մնում»,- նշել է Կարապետյանը։

Նշենք, որ ավելի վաղ Աբովյանի հիվանդանոցում հեռացրել էին վիրավորի փայծաղը։

Աբովյանի հիվանդանոց էին տեղափոխե նաեւ նրա երկու ընկերներին։ Հիվանդանոցից NEWS.am—ին հայտնեցին, որ նրանցց մեկը՝ Անդրանիկ Սարգսյանը դեռ գտնվում է բժիշկների հսկողության ներքո, իսկ Արտաշ Մանուկյանին արդեն դուրս են գրել։

Հիշեցնենք, որ մայիսի 23-ին ուժգին մրրիկը օդ էր հանել նրանց մեքենան, երեք անձինք վիրավորվել էին։

Գեղաշենից ոչ հեռու ուժգին մրրիկի մասին տեղեկատվությունը հաստատել էր Հայաստանի ՏԿԱԻՆ «Հայպետհիդրոմետ» ծառայության օդերեւութաբանական կանխատեսումների բաժնի պետի տեղակալ Գագիկ Սուրենյանը։