Oxford University Press (OUP) պարբերականը հետազոտություն է անցկացրել եւ հայտարարել. բրիտանացի երեխաների շրջանում տարվա բառը «հեշթեգ»-ն է:
The Guardian-ի փոխանցմամբ, «500 բառ» պատմվածքների ամենամյա մրցույթի վերլուծության շրջանակում փորձագետները 13 տարեկանից փոքր հեղինակների շրջանում «հեշթեգ» բառի ստեղծագործական կիրառության զգալի աճ են արձանագրել: Ըստ Gazeta-ի, ընդհանուր առմամբ, մասնագետները 120.400 մրցութային աշխատանք են ուսումնասիրել:
2015 թվականին թեմաների մեջ գերակշռել են սոցիալական ցանցերն ու բջջային տեխնոլոգիաները, ինչի մասին են վկայում թոփ-20-ում ընդգրկված որոշ բառեր, օրինակ՝ «սելֆի», «բլոգ», «YouTube»: