News
Լրահոս
News
Երեքշաբթի
Մարտ 19
Տեսնել լրահոսը

«Ժամանակ» թերթը գրում է. «Հայաստանի ԵՏՄ-ին անդամակցելուց հետո որոշ տնտեսվարողներ սկսեցին Հայաստան ռուսական ալյուր ներկրել: Ռուսական ալյուրի ներկրման արդյունքում էականորեն նվազեց Հայաստանում վաճառվող ալյուրի գինը:

15 տարի է, ինչ Հայաստանում Ալյուրի գինը թելադրում է Սամվել Ալեքսանյանին պատկանող «Ալեքս Գրիգ» ՓԲԸ-ի Բաղրամյանի ալրաղացի գործարանը: Տարեսկզբին այդ գործարանը 50-կիլոգրամանոց մեկ պարկ ալյուրը վաճառում էր 29,2 դոլարով, իսկ Ռուսաստանից ալյուրի ներկրումից հետո Ալեքսանյանը առաջին անգամ մրցակցության արդյունքում ստիպված էր ալյուրի գինն աստիճանաբար իջեցնել մինչեւ 22 դոլար:

Սակայն Սամվել Ալեքսանյանը գտել է Ռուսաստանից Հայաստան Ալյուրի ներկրումներն արգելելու եւ իր ապրանքը մենաշնորհային գնով վաճառելու հնարավորությունը: Այն անհատները կամ ընկերությունները, որոնք մի քանի անգամ Ռուսաստանից ալյուր են ներմուծել Հայաստան, հայտնվել են ստուգող կազմակերպությունների տեսադաշտում:

«Ընդամենը երկու բեռնատար ալյուր եմ ներկրել Հայաստանում, ու դրանից հետո Հայաստանում որքան ստուգող կազմակերպություն գիտեք՝ հետաքրքրվել է ինձնով՝ սկսած հարկայինից, վերջացրած սննդի անվտանգության տեսչությունով, սանէպիդկայանով: Կազմակերպություններ կան, որոնց անուններն առաջին անգամ եմ լսում, եկել են, թղթաբանությունը ստուգել, ալյուրից փորձանմուշներ վերցրել: Եթե մի պարկի մեջ հազար դրամ եկամուտ պետք է ունենայի, այնքան են զզվեցրել, որ որոշել եմ ոչ ալյուր բերել, ոչ էլ անցավ գլուխս ցավի տակ դնել»,-մեզ ասաց ալյուրի ներկրում իրականացրած անհատ ձեռներեցներից մեկը:

Նա վստահ է, որ այդ կազմակերպություններն ուղղորդվում են Ալեքսանյանի կողմից, որովհետեւ տեղեկություններ ուներ, որ Ռուսաստանից ալյուրի ներկրումների հետեւանքով նրան պատկանող գործարանն սկսել էր կամ չաշխատել, կամ աշխատել ոչ նախկին բեռնվածությամբ:

Մեր զրուցակիցն ասաց, որ ինքն ալյուրը հացի արտադրամասերին վաճառել է ավելի էժան, քան վաճառում էր Ալեքսանյանի ընկերությունը, եւ արդյունքում ալյուրի ու հացի գինը նվազում էր:

Երբ ալյուր ներկրողները կանգնել են անհաղթահարելի խնդիրների առջեւ, Ալեքսանյանը սկսել է կրկին բարձրացնել ալյուրի գինը: Առաջին քայլն արված է. 20 կգ-անոց ալյուրի պարկը նախկին 22-ի փոխարեն այժմ վաճառվում է 23 դոլարով: Հացի արտադրամասերի սեփականատերերը տեղեկություններ ունեն, որ թանկացումը շարունակական է լինելու, եւ առաջիկայում սպասում են ալյուրի գնի նոր թանկացում»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Հրապարակ». Ի՞նչ գնումներ է կատարել Քրիստիննե Գրիգորյանը
Արտաքին հետախուզական ծառայության մասին սա, թերեւս, միակ տեղեկությունն է, որ հայտնի է։ Որեւէ մեկին...
«Ժողովուրդ». Գյուղատնտեսությունը անկում է ապրել. Նիկոլ Փաշինյանը խաբել է. մաս 183
Ժողովուրդ օրաթերթը համադրելով պաշտոնական տեղեկությունները, պարզեց, որ իրականում Հայաստանում...
«Հրապարակ». Փաշինյանին չի հաջողվում ՔՊ-ն դարձնել եվրոպական ազդեցիկ կուսակցություններից որեւէ մեկի անդամ
Դեռ շաբաթներ առաջ ՔՊ-ական մեր աղբյուրներն ասում էին, որ կարծես որոշում ունեն եւ անդամակցության հայտ են...
«Հրապարակ». Լեւոն Քոչարյանը կուսակցություն կբացի՞
Չկան կուսակցություն բացելու մտադրություններ, իսկ հիմա զբաղված եմ, շտապում եմ քննարկման...
«Ժողովուրդ». Դատական համակարգում ՍԴ դատավորի նոր հավանական թեկնածուի անուն է շրջանառվում
Քաղաքական իշխանությունը իր «սրտի» թեկնածուին է փորձում առաջ տանել, իսկ դատական համակարգը չի...
«Հրապարակ». Միլիարդներ նորաստեղծ ՊՈԱԿ-ների համար
Նախագծից տեղեկանում ենք նաեւ, որ ստեղծվելիք ՊՈԱԿ-ը պետք է զբաղվի ինչ-որ համակարգչային ծրագրերի...
Ամենաշատ