Ճապոնիայի հարավային Կուտինոերաբու կղզում, Կյուսյուից 160 կմ հեռավորության վրա հրաբխի հանկարծակի ժայթքում է տեղի ունեցել, որի հետեւանքով տեղի բնակչությունը ստիպված է եղել տարհանվել, հաղորդում է Reuters-ը:
Այսօր՝ մայիսի 29-ի առավոտյան հրաբուխը սեւ ծուխ է ժայթքել, իսկ լեռան լանջով սկսել են շիկացած գազերի ու ապարների պիրոկլաստիկ գետեր հոսել:
Կղզում բնակվում է մոտ 140 մարդ, որոնց տարհանելու համար նավ է ուղարկվել, հաղորդում է Lenta-ն:
Իշխանությունները ճգնաժամային շտաբ են ստեղծել: Հրաբխի ժայթքման հետեւանքով օդանավերի չվերթների հետաձգումներ տեղի չեն ունեցել, սակայն ավիաընկերությունները մտադիր են մի փոքր փոփոխել այդ տարածքով անցնող թռիչքների ուղղությունը: