Հայաստանի ՏԿԱԻՆ-ում, այսօր՝ մայիսի 29-ին, ժամը 02.13-ին ահազանգ է ստացվել, որ Երեւանի Արշակունյաց պողոտայի եւ Գ.Նժդեհի փողոցի խաչմերուկի մոտակայքում տեղի է ունեցել ավտովթար, բախվել են երկու ավտոմեքենա, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ եւ ՀՆՓԱԻԿ փրկարար ջոկատը:
Դեռեւս չբացահայտված հանգամանքներում բախվել են «Մերսեդես» մակնիշի 34 ZA 715 համարանիշի (վարորդ՝ 66-ամյա Ս.Հ.) եւ «Մերսեդես» մակնիշի 61 CC 061 համարանիշի (վարորդ՝ 19-ամյա Ն.Մ.) ավտոմեքենաները: Վերջինիս վարորդ Ն.Մ.-ն եւ ուղեւոր 20-ամյա Ա. Ա.-ն տեղափոխվել են «Էրեբունի» ԲԿ, որտեղ բժիշկները նրանց առողջական վիճակը գնահատել են ծանր, իսկ մյուս ուղեւոր 20-ամյա Է. Մ.-ի առողջական վիճակը բժիշկները գնահատել են բավարար:
Հրշեջ-փրկարարները տուժածներին մոտեցրել են շտապօգնության ավտոմեքենային, հոսանքազրկել են «Մերսեդես» մակնիշի 61 CC 061 համարանիշի ավտոմեքենան եւ իրականացրել ճանապարհի լվացման աշխատանքներ: