Վրաստանի նախագահ Գեորգի Մարգվելաշվիլին մայիսի 28-ին շնորհավորել է Սերժ Սարգսյանին Հայաստանի Առաջին Հանրապետության օրվա կապակցությամբ։
«Իմ եւ ողջ վրացի ազգի անունից անկեղծ շնորհավորում եմ Ձեզ ազգային տոնի՝ Հանրապետության օրվա կապակցությամբ։ Հայ ժողովուրդը երկար ճանապարհ անցել իր պետականության պահպանման համար։ Այսօր մենք տեսնում ենք հաջող զարգացող պետություն։ Ես խորապես վստահ եմ, որ Հայաստանի Հանրապետության եւ Վրաստանի Հանրապետության՝ հարյուրամյակների ընթացքում հաստատված եւ բարեկամության վրա հիմնված հարաբերությունները ապագայում ավելի կզարգանան՝ հանուն մեր երկրների եւ ազգերի բարօրության։
Թույլ տվեք Ձեզ եւ եղբայրական հայ ազգին խաղաղություն եւ բարեկեցություն մաղթել»,- ասված է Վրաստանի նախագահի շնորհավորագրի մջ։