2014 թ. Հայաստանում հաշմանդամություն է ստացել 15.7 հազար մարդ։ Այս մասին մայիսի 29-ին՝ 2014թ. բյուջեի կատարողականի հաշվետվության քննարկման ժամանակ, խորհրդարանում հայտարարեց ՀՀ աշխատանքի եւ սոցիալական հարցերի նախարար Արտեմ Ասատրյանը։ Նրանցից առաջին խմբի հաշմանդամ է ճանաչվել մոտ 700 մարդ։
Ընդհանուր առմամբ Հայաստանում կա 200 հազար հաշմանդամ, որոնցից 8 հազարը՝ անչափահաս։
Նշված խմբի մարդկանց համար տրվել է 14.9 հազար պիտույք՝ օրթոպեդիք պրոթեզներ, հաշմանդամի սայլակներ, լսողական եւ ձայնային ապարատներ, աչքի պրոթեզներ։
Նշենք, որ 2014թ. Հայաստանի պետբյուջեից հաշմանդամների նպաստների համար հատկացվել է 4.8 մլրդ դրամ։