Հայաստանում էլեկտրաէներգիայի թանկացման սոցիալական արդյունքի մասին կարելի է խոսել միայն թվերի մասին վերջնական որոշումից հետո: Այս մասին, այսօր՝ մայիսի 29-ին, ԱԺ-ում լրագրողներին հայտնել է Աշխատանքի եւ սոցիալական հարցերի նախարար Արտեմ Ասատրյանը:
«Բնականաբար, ցանկացած սակագնի բարձրացում անհանգստացնում է մեզ, քանի որ առաջին հերթին այն ազդում է սոցիալապես խոցելի խավերի վրա: Այստեղ պետության եւ կառավարության գործողությունները պետք է առաջին հերթին ուղղված լինեն նրանց խնդիրների լուծմանը»,-հայտարարել է նախարարը:
Հարցին, թե հակվա՞ծ է նախարարությունը քննարկել սակագների սուբսիդավորման հարցը անապահով մարդկանց համար (եթե սակագների բարձրանան), Ասատրյանը պատասխանել է. «Չի կարելի նախընտրելի համարել այս կամ այն մոտեցումը, քանի դեռ սեղանին չկան վերջնական առաջարկները»:
Հիշեցնենք, որ ներկայումս «Հայաստանի էլեկտրական ցանցեր» ընկերության կողմից բնակչության համար էլեկտրաէներգիայի սակագին է սահմանված 41,85 դրամ մեկ կվ/ժամի համար (ցերեկային) եւ 31,85 դրամ գիշերային ժամերի համար: ՀԷՑ-ն իր նոր հայտով առաջարկում է այդ սակագները բարձրացնել եւ հասցնել 58 եւ 48 դրամ համապատասխանաբար: