Հայաստանի Աշխատանքի եւ սոցիալական հարցերի նախարարության նվերները օտարերկրյա հյուրերին համեստ են ու խորհրդանշական: Այս մասին, այսօր՝ մայիսի 29-ին, ԱԺ-ում լրագրողների հետ զրույցում հայտարարել է Աշխատանքի եւ սոցիալական հարցերի նախարար Արտեմ Ասատրյանը:
Նրա խոսքով, այդուհանդերձ, մեծ ծախսերը երբեմն կարող են արդարացված լինել: «Ասենք, եթե թանկարժեք մեքենա է գնվում, բայց մեծ երաշխիքային ժամկետով, ապա արդյունքում այն կարող է զգալիորեն էժան ստացվել: Իսկ որեւէ մեքենա կարող է սկզբում էժան լինել, բայց պահանջի ավելի շատ վերանորոգում»,-հայտարարել է նախարարը:
Նշենք, որ մայիսի 26-ին, երբ ԱԺ-ում լսվել է 2014 թվականի համար Երեւանի քաղաքապետարանի հաշվետվությունը, փոխքաղաքապետ կամո Արեյանը ստիպված էր պատասխանել արծաթե գավաթներ եւ հավաքածուի կոնյակներ նվիրելու մասին հարցերին, որոնք քաղաքապետարանը նվիրել է իր օտարերկրյա հյուրերին:
