Սաուդյան Արաբիայի արեւելքում գտնվող շիական մզկիթում մահապարտ ահաբեկիչը պայթյուն է իրականացրել։ Իշխանությունների փոխանցմամբ՝ Դամմամ քաղաքում զոհվել է 4 մարդ։
Դամմամը Արեւելյան նահանգի մայրաքաղաքն է, որտեղ ապրում են մեծ քանակով շիաներ, փոխանցում է BBC-ի Ռուսական ծառայությունը։
Մեկ շաբաթ առաջ Քադիհ բնակավայրում մահապարտ ահաբեկչի իրականացրած պայթյունից զոհվել էր 20 մարդ։ Պայթյունի պատասխանատվությունը իր վրա էր վերցրել «Իսլամական պետություն»-ը։