Լեհաստանի նորընտիր նախագահ Անջեյ Դուդային պաշտոնապես հանձնել են պետության ղեկավարի պաշտոնում ընտրվելու վկայական, գրում է «ՌԻԱ Նովոստի»-ն։
Անցյալ կիրակի Լեհաստանում կայացավ նախագահական ընտրությունների 2-րդ փուլը։ Քվեաթերթիկների վրա նշված են եղել «Իրավունք եւ արդարություն» ընդդիմադիր կուսակցության 43-ամյա թեկնածու Անջեյ Դուդայի եւ գործող նախագահ 62-ամյա Բրոնիսլավ Կոմորովսկու անունները։ Լեհաստանի Պետական ընտրական հանձնաժողովի տվյալների համաձայն՝ Դուդան ստացել է ձայների 51.55 տոկոսը, իսկ Կոմորովսկին՝ 48.45 տոկոսը։
Լեհաստանի նախագահի պաշտոնում ընտրվելու մասին վկայականը Դուդային հանձնել է ՊԸՀ նախագահ Վոյչեխ Գերմելինսկին։