Մուրացկանների կողմից մանկատներից  «վարձով» երեխաներ վերցնելը ծանրագույն եւ անթույլատրելի հանցագործություն է։ Այս մասին մայիսի 29-ին խորհրդարանում հայտարարեց ՀՀ աշխատանքի եւ սոցիալական հարցերի նախարար Արտեմ Ասատրյանը։

«Ես քննարկումներ են անցկացրել մանկատների ղեկավարների հետ։ Եթե կոնկրետ տեղեկություն կա, ես պատրաստ եմ գնալ մինչեւ վերջ։ Եթե նման մի բան բացահայտվի, պատիժը կլինի ամենախիստը»,- հայտարարեց նախարարը։

Ասատրյանի խոսքով՝ ինքը պատրաստվում է զրուցել ԲՀԿ պատգամավորների հետ, որոնք բարձրացրել էին այդ հարցը, որպեսզի պարզի, թե նրանք կոնկրետ ինչ փաստեր ունեն իրենց ձեռքին։