Փարիզի հանրահայտ Արվեստների կամուրջը կզրկվի «սիրո կողպեքներից»: Այս մասին գրում է Le Parisien-ը՝ վկայակոչելով Փարիզի քաղաքապետարանի հայտարարությունը:
Քաղաքապետարանի փոխանցմամբ, հարյուր հազարավոր կողպեքները կախված են փարիզկան որոշակի կամուրջների վրա, եւ դա երկու զգալի խնդիր է առաջացնում: Խոսքը պատմական ժառանգության վիճակի վատթարացման եւ ֆրանսիական մայրաքաղաքի բնակիչների եւ հյուրերի անվտանգության մասին է:
Ըստ Gazeta-ի, կողպեքների ապամոնտաժման աշխատանքների իրականացման նպատակով Արվեստների կամուրջը մեկ շաբաթ փակ կլինի: Ավելի վաղ հաղորդվում էր, որ «սիրո կողպեքների» ծանրության պատճառով Արվեստների կամրջի մի մասը փլուզվել է:
