Իշխող կուսակցությունն ամեն գնով փորձում է պահել իր իշխանությունը, քանի որ վստահ է՝ ժողովուրդը տեր չի կանգնի իր իրավունքներին։ Այս մասին այսօր՝ մայիսի 30-ին, «Քաղաքացիական համաձայնագրի» հիմնադիր համագումարին ասաց խորհրդի անդամ, ազատամարտիկ Սասուն Միքայելյանը։
«Իշխանությունները հասկանում են, որ մի քանի ըմբոստների հարցն էլ կարելի է լուծել նրանց բանտարկումով։ Ընդդիմությունն էլ է նպաստել դրան. ժողովրդին հանում են փողոց, հետո նրան ձեռնունայն տուն են ուղարկում, թե ավելի մեծ զանգված պետք է հավաքել՝ այս կերպ ջարդելով ընդդիմության ողնաշարը։ Թեժ աշունների եւ թեժ գարունների մասին խոստումները վերջնականապես հուսալքել են ժողովրդին»,- ասաց Սասուն Միքայելյանը։
Նա ընդգծեց, որ իրենց նպատակն է դառնալ այն ուժը, որն ի զորու է փոփոխություններ բերել, ոչ թե հայտարարել, թե իրենք կան, գոյություն ունեն։
Նշենք, որ համագումարի սկզբին Նիկոլ Փաշինյանը հայտարարեց, որ «Քաղաքացիական պայմանագիր» միավորումը հիմնադրում է կուսակցություն, որը մտադիր է մասնակցել առաջիկա խորհրդարանական եւ նախագահական ընտրություններին։