Էլեկտրաէներգիայի սակագնի բարձրացման մասին «Քաղաքացիական պայմանագիր» կուսակցության անդամներն առաջիկայում իր միասնական կարծիքն է հայտնելու: Այս մասին NEWS.am-ին ասաց կուսակցության անդամ, ազատամարտիկ Սասուն Միքայելյանը:
«Մենք բնականաբար դեմ ենք սակագնի բարձրացմանը: Ժողովրդի արյունը, մաշկը պոկում տանում ա, ընդամենը, որ ինքը հարստանա: 1948թ. Գերմանիայի կանցլերն ասել ա, որ պետք լինի ոտքով կգնամ գործի կգամ: Ժողովուրդը չի հավատացել, բայց հետո տեսել ա, որ էդ մարդը ոտքով ա գնում, հեծանիվով ա գնում: Արդեն 1953թ. Գերմանիան ուրիշ երկրներին վարկ ա տվել»,- ասաց ազատամարտիկը:
Հիշեցնենք, որ ներկայումս «Հայաստանի էլեկտրական ցանցեր» ընկերության կողմից բնակչության համար էլեկտրաէներգիայի սակագին է սահմանված 41,85 դրամ մեկ կվ/ժամի համար (ցերեկային) եւ 31,85 դրամ գիշերային ժամերի համար: ՀԷՑ-ն իր նոր հայտով առաջարկում է այդ սակագները բարձրացնել եւ հասցնել 58 եւ 48 դրամ համապատասխանաբար:
