Ճապոնիայում հզոր՝ 8,5 մագնիտուդով երկրաշարժ է տեղի ունեցել: Այս մասին հաղորդում է ԱՄՆ երկրաբանական ծառայությունը:
Ականատեսների խոսքով, ստորերկրյա ցնցումների հետեւանքով Տոկիոյում շենքերը տատանվել են, սակայն ավերածությունների ու տուժածների մասին տեղեկություններ չկան: Երկրի իշխանությունները նշում են, որ ցունամիի վտանգը բացակայում է, հաղորդում է «Ասոշեյթեդ Փրեսը»:
Հիշեցնենք, որ Ճապոնիայի պատմության մեջ հզորագույն երկրաշարժը՝ 9 մագնիտուդով, տեղի է ունեցել 2011-ի մարտի 11-ին: Այն հանգեցրել էր հզոր ցունամիի եւ «Ֆուկուսիմա-1» ատոմակայանի վթարի: Այն ժամանակ զոհվել էր 15800 մարդ: