ՌԴ Տուլայի մարզում ընտանիքի երկու կանանց եւ երեք երեխաներին սպանողը պարզվում է Ուզբեկստանի 30-ամյա քաղաքացի է, որը նախկինում եղել է այդ կանանցից մեկի սիրեկանը: Ողբերգությունը տեղի է ունեցել անցած գիշեր, Կոսայա Գորա ավանում:
Այնտեղ գազանաբար սպանվել է մասնավոր տներից մեկում բնակվող 5 հոգուց բաղկացած ընտանիքը: Զոհերն են դարձել տատիկը, երիտասարդ կին եւ նրա 5-10 տարեկան երեք երեխաները: Ողջ է մնացել միայն մահացած կնոջ քաղաքացիական ամուսինը եւ 7-ամյա որդին:
Իրավապահ մարմիններին հաջողվել է տաք հետքերով ձերբակալել հանցագործության մեջ կասկածյալին: Նա Ուզբեկստարնի 30-ամյա քաղաքացի է, որը վատ է խոսում ռուսերեն: նախկինում նա ապրել է սպանված կանանցից մեկի հետ: Ներկայումս կասկածյալը ցուցմունքներ է տալիս, դաժան հաշվեհարդարի դրդապատճառների մասին չի հաղորդվում:
