News
Լրահոս
News
Հինգշաբթի
Մարտ 28
Տեսնել լրահոսը

Երեխաների իրավունքների պաշտպանության առումով այսօր երեխաներն ավելի պաշտպանված են, քան՝ 90-ականների մանուկները, քանի որ դա ուղիղ կապ ունի երկրի սոցիալական- տնտեսական վիճակի հետ: Այս մասին այսօր՝ մայիսի 31-ին NEWS.am-ի հետ զրույցում ասաց Արցախի վարչապետի մամուլի քարտուղար Արտակ Բեգլարյանը, որը Հյուսիսային պողոտայում մասնակցում է Երեխաների պաշտպանության օրվան նվիրված NEWS.am-ի ամենամյա բարեգործական ակցիային:

«Որքան վատ է սոցիալական վիճակը, այնքան այն արտահայտվում է ընտանիքի եւ հասարակության վրա: Այնպես չէ, որ վիճակը բավարար է, կա երեխաների հանդեպ բռնություն, ինչը պետք է արմատախիլ արվի ցանկացած ընտանիքում: Երբեմն ոտնահարվում են երեխաների դպրոց հաճախելու իրավունքը, բայց դա աստիճանաբար կվերանա մեր ժողովրդի ինքնագիտակցության զարգացմանը եւ սոցիալական վիճակի բարելավմանը զուգահեռ: Մենք պետք է ամեն ինչ անենք, որպեսզի բնակչության ինքնագիտակցությունը փոխվի այդ հարցում, որ անկախ սոցիալական պայմաններից  երեխաների իրավունքները պաշտպանված լինեն»,- նշեց Արտակ Բեգլարյանը:

Նա երեխաներին մաղթեց «խաղաղություն եւ երջանիկ մանկություն եւ մանկությունից հետո արդեն զարգացման ամենալավ հնարավորության պայմաններ, քանի որ երեխաները որքան էլ երջանիկ ապրեն իրենք մեծանալով հասարակության անդամ պետք է դառնան եւ իրենց զարգացման համար որքան լավ պայմաններ լինեն, նրանք կդառնան այդքան լավ մարդ ու քաղաքացի»:  

Նշենք, որ Երեւանի Հյուսիսային պողոտայում ընթանում է NEWS.am-ի ամենամյա բարեգործական ակցիան:

Օրվա ընթացքում վաճառված պաղպաղակից  գոյացած հասույթն ամբողջությամբ կփոխանցվի Հայաստանի սահմանամերձ Դարանակ եւ Փամբակ գյուղերի (հայ-ադրբեջանական սահման, Գեղարքունիքի մարզ) դպրոցահասակ անապահով երեխաներին:

Բարեգործական ակցիային աջակցել են «Թամարա», «Երեւան Կաթ» , «Կոկա-Կոլա»,  «Happyk»  ընկերությունները, «Երազանք» թատերախումբը, Երեւանի պատանի հանդիսատեսի թատրոնը, Երեւանի Կենտրոն վարչական շրջանի թաղապետարանը:

Հիշեցնենք, որ NEWS.am լրատվական-վերլուծական գործակալությունը երեխաների միջազգային օրվա կապակցությամբ ամեն տարի կազմակերպում է բարեգործական ակցիա, որից ստացված ամբողջ հասույթը փոխանցվում է կարիքավոր երեխաներին:

Բարեգործական ակցիան, որը կավարտվի 20:00-ին, անցկացվում է Հյուսիսային պողոտայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
NEWS.am-ը կոչ է անում գործակալության հեղինակության հաշվին միավորներ չհավաքել
Ե՛վ սոցիալական ցանցերում մեր հասցեին հնչող անհիմն մեղադրանքները, ե՛ւ «Հայկական ժամանակի» այս հոդվածը ակնհայտորեն ուղղորդվել են մեկ կենտրոնից...
NEWS.am-ը հայտարարում է ստեղծագործական տեսահոլովակների մրցույթ
Ամենաշատ հավանումներով վիդեոյի հեղինակը կստանա 150.000 դրամ մրցանակ...
2015թ. կարեւոր իրադարձությունները՝ NEWS.am-ից (ֆոտո)
Հասարակական-քաղաքական կյանքի առավել կարեւոր 10 իրադարձությունները…
NEWS.am–ի մարզական լրագրողը` ԵՄԱ մրցանակի անդրանիկ դափնեկիր
Մարզաշխարհի հանդեպ թարմ հայացքի եւ բազմակողմանի մոտեցման համար Արմեն Նիկողոսյանի անվան մրցանակին արժանացավ NEWS.am–ի մարզական լրագրող Վերա Մարտիրոսյանը...
Երեխաները քաղցր ցեց են, ես իրենց ցավը տանեմ. DJ Smoke (ֆոտոռեպորտաժ)
«Աշխարհում ինչքան բալիկներ կան թող բոլորն ապրեն ուրախ, անհոգ ու երջանիկ, երեխաները քաղցր ցեց են, ես իրենց ցավը տանեմ...»
Պախկվոցի, հալամուլա երեխաները հիմա էլ չեն խաղում. Ռոման Ամոյան (Ֆոտո)
Ըմբիշը նախօրեին մասնակցում էր NEWS.am–ի ամենամյա բարեգործական ակցիային եւ այլ աստղերի, մարզիկների եւ քաղաքական գործիչների հետ միասին բարեգործական նպատակով պաղպաղակ էր վաճառում Հյուսիսային պողոտայում...
Ամենաշատ