Կատալոնական «Բարսելոնայի» եւ Թուրինի «Յուվենտուսի» միջեւ Չեմպիոնների լիգայի եզրափակիչից առաջ NEWS.am-ը տարբեր ոլորտի ներկայացուցիչներից կփորձի պարզել նրանց կանխատեսումները և ում են նրանք երկրպագելու հունիսի 6-ին Բեռլինում կայանալիք խաղում:
Ռուս հայտնի մեկնաբան Վլադիմիր Ստոգնիենկոն NEWS.am թղթակից Վերա Մարտիրոսյանի հետ զրույցում արեց հետևյալ կանխատեսումը.
«Կարծում եմ՝ «Բարսելոնայի» հնարավորություններն ավելի մեծ են: Նա անկասկած այդ խաղի ֆավորիտն է: «Յուվենտուսը» որպեսզի կարողանա հաջողության հասնել, պետք է կարողանա տակտիկապես հիանալի խաղալ և օգտնվել գրոհների ժամանակ ստեղծված պահերից: Իսկ իտալացիները հաստատ կունենան այդպիսի հնարավորություններ, քանի որ «Բարսելոնան» որքան էլ ահեղ է հարձակման գծում, բայց ունի մեծ խնդիրներ պաշտպանությունում: Եթե կա մեկ թիմ, որը կարող է հաղթել «Բարսելոնային» տակտիկապես, ապա դա «Յուվենտուսն» է:Մենք տեսանք, թե ինչպես նրանք կիսաեզրափակչում հաղթեցին «Ռեալին»:
Չեմ թաքցնում, որ երկրպագելու եմ «Յուվենտուսին»: Երբ ռուսական թիմերը չեն խաղում, իմ համակրանքը միշտ իտալական թիմերի կողմն է»- ասաց Ստոգնիենկոն:
Վերա Մարտիրոսյան/ Vera&Football
