Եվրո 2016 ընտրական փուլի Հայաստան – Պորտուգալիա խաղից առաջ NEWS.am-ի թղթակից Վերա Մարտիրոսյանը զրուցել է պորտուգալական www.portugoal.net կայքի գլխավոր խմբագիր Տոմ Կունդերտի եւ o jogo մարզական պարբերականի լրագրող Պեդրո Ռիբաշի հետ
Ի՞նչ եք սպասում այս խաղից:
Տ.Կ. Կարծում եմ՝ դժվար խաղ է լինելու, ինչպես առաջինն էր՝ թիմերը քիչ հնարավորություններ կունենան: Ֆերնանդու Սանտուշի գլխավորությամբ Պորտուգալիան բարելավել է պաշտպանությունը, բայց գոլեր շատ չենք խփում, անգամ գոլային պահեր շատ չենք ստեղծում: Ես չեմ կարծում՝ այս խաղում ինչ-որ բան կփոխի:
Պ.Ռ. Որակավորման փուլում մեզ համար այս հաղթանակը շատ կարեւոր է, այդ պատճառով ես սպասում եմ միմիայն հաղթանակ:
Ինչպե՞ս Պորտուգալիայում գնահատեցին այս թիմերի առաջին խաղը Ֆորոյում:
Տ.Կ. Մենք գիտակցում ենք, որ Պորտուգալիան այժմ ձեւափոխման շրջան է անցնում եւ մեզ համար ավելի կարեւոր են արդյունքները, քան՝ գեղեցիկ խաղը: Սանտուշը դանդաղորեն երիտասարդներին ներգրավում է նոր թիմ, ուստի բնական է, որ թիմն այդքան էլ միասնական չէ, քանի որ նորեկներին դեռ պետք է մերվել նոր թիմին, խաղին, ինչպես նաեւ հասկանալ երկիր ներկայացնելու պատիվն ու պատասխանատվությունը:
Բայց բոլորս էլ սպասում ենք, որ շուտով մեր թիմը կսկսի գեղեցիկ խաղ ցուցադրել: Սանտուշն ասում է, որ նա հավատում է, որ Պորտուգալիան ի զորու է հաղթել «Եվրո 2016»-ը: Բայց թիմը պետք է բարելավվի, որպեսզի այդ երազանքն իրականանա:
Պ.Ռ. Ես ուրախ էի, որ հաղթեցինք, քանի որ վաստակեցինք երեք միավոր, բայց ես այդքան էլ ուրախ չէի խաղով: Կցանկանայի, որ Պորտուգալիան ավելի շատ գոլեր խփեր:
Հարգելի ֆուբոլասերներ,
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ ներկայացնում է MasterCard UEFA Champions League քարտը, որը ֆուտբոլային թեմայով միակ քարտն է Հայաստանում:MasterCard UEFA Champions League քարտը հնարավորություն է տալիս ոչ միայն տնօրինել Ձեր ֆինանսական միջոցները,այլ նաև ստանալ պարգևատրումներ UEFA Championes League լոգոտիպը կրող տարատեսակ հուշանվերներ UEFA-իպաշտոնական կայք էջից: Մանրամասներն http://www.acba.am կայքում:
Կա՞ն ձեր թիմում ֆուտբոլիստներ, որոնց մասնակցությունը հարցականի տակ է:
Տ.Կ. Պեպեն եւ Անդրե Գոմեշը վնասվածք ունեն: Պեպեի բացակայությունը նշանակում է, որ Ռիկարդո Կարվալյուն կխաղա եւ այդպիսով կդառնա ամենատարեց ֆուտբոլիստը, ով երբեւէ հանդես է եկել Պորտուգալիայի հավաքականի կազմում: Այդ երկուսից բացի բացակայություններ չունենք:
Ի՞նչ հաշիվ եք կանխատեսում:
Տ.Կ. Պարտուգալիան կհաղթի 1:0 հաշվով:
Պ.Ռ. Ակնկալում եմ, որ Պորտուգալիան կհաղթի 2:0 հաշվով: Ռոնալդուն եւ Կուրաժման կդառնան գոլերի հեղինակ: Բայց ամենից կարեւորը հաղթելն է, ցանկացած այլ արդյունք կհիասթափեցնի ինձ:
Վերա Մարտիրոսյան / Vera&Football