Jaguar Land Rover-ը ցուցադրել է Range Rover Sport-ի նախատիպը, որը կարելի է կառավարել հեռակա՝ բջջային հեռախոսի օգնությամբ: Հատուկ հավելվածը հնարավորություն է ընձեռում շրջել անիվները, առաջ ու հետ շարժվել եւ արգելակել:
Ըստ Birmingham Post-ի, հավելվածը խաղի է նման, սակայն թույլ է տալիս ամենաբարդ իրավիճակներում իրական մեքենա կառավարել: Ավտոարտադրողը հույս ունի, որ այդ միջոցը կօգնի հատկապես կայանատեղիում եւ բարդ ճանապարհներին:
Հավելվածի գործողության շառավիղը 10 մետր է: Ծրագրի աշխատանքի համար կարեւոր պահանջ է այն, որ սմարթֆոնը պետք է խելացի բանալիի կողքին լինի, առանց որի անհնար է գործի գցել ավտոմեքենան: