Ուկրաինան եւ ԵՄ-ն հունիսի 18-ին փոքր եւ միջին բիզնեսի աջակցության ծրագրերում փոխըմբռնման մասին հուշագիր են ստորագրել , որով Կիեւը 55 մլն եվրո օգնություն կստանա։
Հուշագիրը Կիեւում ստորագրել են Ուկրաինայի առեւտրի եւ տնտեսական զարգացման նախարար Այվարաս Աբրոմավիչուսը եւ հարեւանության եւ ընդլայնման բանակցությունների հարցերով եվրահանձնակատար Յոհաննես Հանը
«Պետական մակարդակով սա մեզ հնարավորություն կտա նոր օրենսդրություն ստեղծել, որի շնորհիվ փոքր եւ միջին բիզնեսը բարեհաջող կզարգանա»,- ասել է Աբրոմավիչուսը։
Ուկրաինայի, Վրաստանի եւ Մոլդովայի փոքր եւ միջին բիզնեսի աջակցության հիմնադրամը բացվել էր մայիսի 21-ին Ռիգայում կայացած Արեւելյան գործընկերության գագաթնաժողովում։