Երեւանում երեկ՝ հունիսի 18-ին, վթարի է ենթարկվել հայտնի դերասանուհի Լուիզա Ղամբարյանը: NEWS.am-ի թղթակցին Ճանապարհային ոստիկանությունից հայտնեցին, որ Աթոյան և էրեբունի 15-րդ փողոցների խաչմերուկում բախվել են 38-ամյա Լուիզա Ղամբարյանի վարած Kia եւ 32-ամյա Արթուր Առաքելյանի վարած Opel Astra մակնիշի մեքենաները: Վթարի հետեւանքով Opel-ի ուղեւորը, որը սովորում է 9-րդ դասարանում, տեղափոխվել է հիվանդանոց:
Հիշեցնենք, որ Լուիզա Ղամբարյանը վթարի էր ենթարկվել 2014թ հունվարի 10-ին: Այդ ժամանակ Փափազյան-Արամ Խաչատրյան փողոցների խաչմերուկում բախվել էին Լուիզա Ղամբարյանի վարած KIA եւ Ս. Չ.-ի Daewoo Nexia մակնիշի մեքենաները: Վթարի հետեւանքով տուժածներ չկան, միայն գույքային վնաս է հասցվել: Դերասանուհին մեղավոր չի եղել վթարի մեջ: