Տասներորդ սերնդի Honda Civic-ն արդեն ճանապարհային փորձարկում է անցնում, սակայն նոր մոդելի մշակման այդ փուլը երբեմն կարող է արտադրողից տարիներ խլել: Սակայն Civic-ին դա, կարծես, չի առնչվի. խոստացել են մինչեւ այս տարեվերջ ներկայացնել նոր սեդանը:
Honda-ն պատրաստվում է նոր Civic-ն ավելի սպորտային դարձնել: Դրա համար, որքան էլ զարմանալի է, հիբրիդային մոդիֆիկացիայից ընկերությունը կհրաժարվի: Չի առաջարկվի նաեւ Civic-ի այն տարբերակը, որը կարող է բնական գազ օգտագործել:
Ըստ Autoblog-ի, Honda-ի ամերիկյան բաժանմունքի ղեկավարի տեղակալ Ջոն Մենդելը նշել է, որ տասներորդ սերնդի Civic-ն ապրանքանիշի պատմության մեջ ամենից հավասարակշռված մոդելը կլինի:
Ավելի վաղ հաղորդվում էր, որ նոր Honda Civic-ը կառաջարկվի նաեւ 1.5 լիտրանոց տուրբոշարժիչով: