Մեծ Բրիտանիայում հայտնաբերվել է Կլոդ Մոնեի նախկինում անհայտ մի կտավ, հայտնում է The Guardian-ը։
Իմպրեսիոնիստի անհայտ նկարը գտել է Ջոնաթան Գրինը՝ Ռիչարդ Գրինի պատկերասրահի տնօրենը։ 2014թ. նա Փարիզում գնել էր գունամատիտով արված Մոնեի 2 նկար, իսկ ավելի ուշ հայտնաբերել էր, որ նրանցից մեկին փակցված է եւս մեկ գունամատիտանկար։ Այդ նկարում պատկերված է Նորմանդիայի Գավրա նավահանգստի փարոսը եւ նավակայանը, գրում է ՏԱՍՍ-ը։
Բոլոր այդ 2 նկարները 1924թ. որպես հարսանեկան ընծա՝ նվիրվել էին Աննա Մարիա Դյուրան Ռուելին՝ Մոնեի գեղարվեստական ներկայացուցիչ Փոլ Դյուրան Ռուելի թոռնիկին։