Մոցարելլան այսօր արդեն իր ուրույն տեղն է գտել աշխարհի տարբեր խոհանոցներում:
Դասական մոցարելլան պատրաստվում է սև գոմեշի կաթից:
Սակայն, ողջ աշխարհում կաթնամթերքի շուկայում լայն սպառում է գտել կովի կաթից պատրաստված մոցարելլան: Մոցարելա պատրաստելու համար կովի պաստերացված պանրային մակարդվածքը ենթարկում են հալեցման, որից հետո ձևավորում են տարբեր չափսի կլոր կամ ձվաձև պանրագլուխներ։
Հենց այդ գործողությունից էլ առաջացել է պանրի անունը (mozzare նշանակում է կտրել, կտրատել): Թաց, փայլուն, ձյունաճերմակ պանիրները` աղաջրի հետ միասին, տեղավորում են պոլիմերային տարայի մեջ։
Մոցարելլան թարմ պանիր է, ուստի այն անհրաժեշտ է օգտագործել պատրաստելուց հետո մի քանի օրվա ընթացքում: Մոցարելլան լայնորեն օգտագործվում է տարբեր տեսակի աղցանների պատրաստման մեջ, նաև անփոխարինելի բաղադրիչ է պիցցաների, լազանյայի պատրաստման ժամանակ: Նշենք, որ մացարելլա պանիրը կարող եք գնել բոլոր սուպերմարկետներից: