Իրավական համագործակցությանը նվիրված հայ-վրացական ֆորումը թույլ կտա ոչ միայն մերթ ընդ մերթ հանդիպումներ անցկացնել, այլեւ նպաստել նրան, որպեսզի ֆորումը դառնա ավելի հարուստ, ավելի տարածաշրջանային, եւ դրանց մասնակցեն ոչ միայն Հայաստանը, Վրաստանն ու Ադրբեջանը, այլեւ Ուկրաինան, Մոլդովան, Լիտվան, Լատվիան ու Էստոնիան: Այս մասին, այսօր՝ հունիսի 25-ին, իրավական համագործակցությանը նվիրված հայ-վրացական ֆորումի շրջանակներում հայտարարել է Վրաստանի արդարադատության նախարար Թեա Ծուլուկիանին:
Նրա խոսքով, սա պատմական հանդիպում է Հայաստանի եւ Վրաստանի արդարադատության նախարարներությունների միջեւ, որովհետեւ նախորդ տարվա մարտին Թբիլիսիում երկու գերատեսչությունների միջեւ համագործակցության հուշագիր է ստորագրվել:
