Կառավարությունը էլեկտրաէներգիայի սակագնի բարձրացման խնդրի շուրջ արել է այն, ինչ կարողացել է։ Այս մասին հունիսի 25-ին Կառավարությունում հայտարարեց ՀՀ աշխատանքի եւ սոցիալական ապահովության հարցերով նախարար Արտեմ Ասատրյանը՝ պատասխանելով NEWS.am-ի թղթակցի հարցին։
Նշենք, որ էլեկրտաէներգիայի սակագնի բարձրացման դիմաց անապահովների նպաստները բարձրացնելու որոշումը կարող է կողմնակի վկայություն դառնալ այն մասին, որ իշխանությունները չեն պատրաստվում չեղարկել սակագնի բարձրացման որոշումը։ Այս դիտարկմանը Ասատրյանը խուսափողական պատասխան տվեց. «Կառավարությունը իր պարտքն է համարում անել ամեն բան, ինչ կարող է, որպեսզի աջակցի անապահով ընտանիքներին»։