ՌԴ Պրիմորիեի երկրամասում 2 երեխա վիրավորվել են ինքնաշեն ռումբի պայթյունից, որը տեղադրել էր տեղաբնակներից մեկը՝ իր հողամասը գողերից պաշտպանելու համար, հայտնում են ՌԴ ՆԳՆ շրջանային վարչությունից։
Միջադեպը տեղի է ունեցել Պոկրովկա գյուղում։ Այս պահին որոշվում է քրեական գործ հարուցելու հարցը։
«Ոստիկանները պարզել են, որ երեխաները մտել են 65-ամյա բնակչի տնամերձ հողամասը, իսկ երբ փորձել են հեռանալ, պայթյուն է որոտացել»,- ասված է ՆԳՆ տարածած հայտարարության մեջ, գրում է BBC-ի Ռուսական ծառայությունը։
Երեխաները բեկորային վնասվածքներ են ստացել, սակայն որեւէ լուրջ բուժօգնության կարիք չի զգացվել։
Հողամասի տերը բացատրել է, որ պայթուցիկը տեղադրել էր գողերից պաշտպանվելու համար։