Այն գործողությունները, որոնք տեղի ունեցան հունիսի 23-ին, ավելի վտանգավոր են, քան անցած տարվա օգոստոսին դիվերսիոն գործողությունները: Այս մասին այսօր՝ հունիսի 26-ին, կլոր-սեղան քննարկման ժամանակ հայտարարել է Խոսքի ազատության պաշտպանության կոմիտեի նախագահ Աշոտ Մելիքյանը՝ հավելելով, որ եթե սահմանի վրա զինվորը պաշտպանում է իր երկիրը, ապա երկրի ներսում քաղաքացին չի կարողանում պաշտպանել իր իրավունքները, որոնք ոստիկանության կողմից դաժան կերպով ճնշվում են:
Մելիքյանը կարծիք հայտնեց, որ հունիսի 23-ից հետո լրագրողի տարբերանշանը կարող է ոչ թե պաշտպանել լրագրողին, այլ ճիշտ հակառակը՝ թիրախավորել, քանի որ Բաղրամյան պողոտայում ոստիկանների կողմից նպատակաուղղված որս էր գնում լրագրողների նկատմամբ:
Անդրադառնալով ՀՀԿ փոխնախագահ Արմեն Աշոտյանի այն հայտարարությանը, թե հպարտ է ոստիկանության գործողություններով, որ որ չարթնացավ արյունոտ Հայաստանում, Մելիքյանը նկատեց. «Ինքը մի գեղեցկ օր կարող է դատարկ Երևանում արթնանալ»:
