Կալիֆորնիական Բեւեռլի Հիլզում վաճառքի է հանվել շքեղ առանձնատուն, որն ամբողջությամբ iPad-ով է կառավարվում:
Տունը ներկայացնող տեսանյութն ու լուսանկարները հրապարակվել են 535haynes.com կայքում: Անշարժ գույքի գործակալը չի պարզաբանել, թե ինչպես է աշխատում ավտոմատացված համակարգը: Սակայն փորձագետները ենթադրում են, որ խոսքը, ամենայն հավանականությամբ, Apple-ին ինտեգրված կառավարման եւ շենքերի ավտոմատացման Crestron համակարգերի մասին է:
Ժամանակին առանձնատունը պատկանել է ձեռներեց, ինժեներ, ռեժիսոր եւ պրոդյուսեր Հովարդ Հյուզին (1905-1976թ.թ.), որը, ԱՄՆ նախագահ Ռիչարդ Նիքսոնի հավաստմամբ, աշխարհի ամենահզոր մարդն էր:
RG-ի փոխանցմամբ, տան նախնական արժեքը 11.5 մլն դոլար է: