Ոչ ոք իրավունք չունի մերժել մարդու հիմնարար իրավունքները։ Այս մասին հունիսի 27-ին լրագրողներին հայտարարեց «Ընդդեմ իրավական կամայականությունների» ՀԿ-ի նախագահ Լարիսա Ալավերդյանը՝ մեկնաբանելով Բաղրամյան պողոտայի ցույցերը։
«Երիտասարդները կոնկրետ պահանջ են դրել՝ չբարձրացնել հոսանքի սակագինը։ Մարդիկ պայքարում են իրենց պատվի եւ արժանապատվության համար։ Նրանք, ովքեր տեսել են այդ ցուցարարների դեմքերը, կհասկանան, թե ինչի մասին եմ ես խոսում։ Արժանապատվությունը առաջին բառերից մեկն է, որը հիշում ես այդ դեմքերն ու աչքերը տեսնելիս»,- հայտարարել է Ալավերդյանը։
