Ֆրանսիան պահանջում է, որպեսզի Իրանը իրոք վերջնականապես հրաժարվի միջուկային զենք ստեղծելու պլաններից։ Այս մասին հայտարարել է Ֆրանսիայի արտգործնախարար Լորան Ֆաբիուսը Վիեննայում Իրանի միջուկային հարցով բանակցությունների նախօրեին։
Բանակցության բոլոր մասնակիցները համաձայն են այն պայմաններին, որոնց կատարման դեպքում հնարավոր կլինի համաձայնության գալ, նշել է նա, փոխանցում է ՏԱՍՍ-ը։
Ըստ Ֆաբիուսի՝ նման պայման է միջուկային արտադրության ոլորտում Իրանի հնարավորությունների երկարաժամկետ սահմանափակումը։ Երկրորդ պայմանը միջուկային օբյեկտների ստուգումներն են։ Երրորդ պայմանը Իրանի կողմից համաձայնության խախտման դեպքում պատժամիջոցների վերականգնումն է։