ՌԴ Կալինինգրադի մարզի ղեկավարի պաշտոնակատար Նիկոլայ Ցուկանովը վշտացած է Յանտարնի բնակավայրում KUBANA փառատոնի չեղարկման առիթով: Այս մասին գրում է FlashNord-ը:
Անցյալ շաբաթ հայտնի դարձավ, որ Յանտարնի ավանի ղեկավարությունը հրաժարվել է անցկացնել փառատոնը, իսկ հունիսի 22-ին միջոցառման պաշտոնական կայքում տեղեկություն հայտնվեց, որ KUBANA-2015-ն անցկացվելու է Ռիգայում:
«Ցավոք, խնդիրներ առաջացան անվտանգության ապահովման մասով: Ոստիկանությունը պարզապես հրաժարվեց ուղեկցել փառատոնը»,- ասել է Նիկոլայ Ցուկանովը:
Ըստ GAZETA-ի, նա նաեւ նշել է, որ ռոք-փառատոնը թույլ կտար ֆուտբոլի աշխարհի առաջնությունից առաջ գործողությունների համակարգային ծրագիր մշակել:
