Բաղրամյան պողոտայում ցուցարարները համաձայն չես որպես բարիկադ ծառայող աղբամանները հանելու որոշմանը: Նման պահանջով նրանց դիմել է ոստիկանության գնդապետ Արսեն Այվազյանը: Ցուցարարներն այդ պահանջն ընդունեցին աղմուկով եւ «ոչ, ոչ» վանկարկումներով (ֆոտոռեպորտաժ): 

«Յուրացվել է ուրիշի ունեցվածքը, որը պետք է վերադարձվի»,-հայտարարեց Այվազյանը, ինչին ցուցարարներից մեկն արձագանքեց. «Սկզբում ինքնեդ պահպանեք օրենքը, հետո պահանջեք ուրիշներից»:

Ի նշան բողոքի երիտասարդները շարք կազմած նստեցին աղբամանների դիմաց եւ սկսեցին ոտքերով հարվածել ու վանկարկել. «Չենք տալու»: Ցուցարարները նաեւ պահանջեցին աղբամաններն առգրավելու որոշումը բազամցնել 15 հազար օրինակից եւ բաժանել ցուցարարներին:

Ոստիկանական շղթայից բարիկադների մոտ ժամանեց Երեւանի ոստիկանապետ Աշոտ Կարապետյանը, ով զննելով տարածքը հետ վերադարձավ:

Հունիսի 22-ի երեկոյան ժամը 19:00-ից քաղաքացիները հավաքվել են Բաղրամյան պողոտայում, փակել այն եւ պահանջում են կասեցնել հունիսի 17-ին կայացրած որոշումը: Հունիսի 28-ին ցուցարարների մի մասը հեռացել էր Ազատության հրապարակ, իսկ մեծ մասը մնացել էր Բաղրամյան պողոտայում։ Հիշեցնենք, որ չնայած էլեկտրաէներգիայի սակագնի բարձրացման դեմ ուղղված բազմաթիվ բողոք-ակցիաներին հունիսի 17-ին, ՀԾԿՀ հանձնաժողովի նիստում հաստատվել է էլեկտրաէներգիայի նոր սակագինը։ էլեկտրաէներգիան թանկացել է 6.93 դրամով՝ մեկ կՎտ/ժ-ի դիմաց 41.85 դրամից դառնալով 48.78 դրամ։ «Հայաստանի էլեկտրական ցանցեր» (ՀԷՑ) ընկերությունը առաջարկել էր էլեկտրաէներգիայի մեկ կիլովատտ/ժամը թանկացնել 17 դրամով: