Մեքսիկայի նախագահ Էներիկե Պենյա Նյետոն լեղապարկի վիրահատությունից հետո կիրակի դուրս է գրվել հիվանդանոցից։ Այս մասին հայտնել է պետության մամուլի ծառայությունը։
«Ինձ արդեն դուրս են գրել, եւ ես ինձ հիանալի եմ զգում թե՛ ֆիզիկապես, թե՛ հոգեպես»,-ասել է նախագահը հիվանդանոցի մուտքի մոտ հավաքված լրագրողներին, փոխանցում է «ՌԻԱ Նովոստի»-ն։
Նա նշել է, որ վիրահատությունը չի խանգարի իր աշխատանքային գրաֆիկին։
