Արաբական Միացյալ Էմիրությունների քաղաքացուն, որին մեղադրում են Աբու Դաբիի առեւտրի կենտրոններից մեկում ամերիկացի ուսուցչուհու սպանության մեջ, մահվան են դատապարտել, հայտնում է The National-ը։
Ալյա ալ Հաշեմիին մեղադրել են 37-ամյա ուսուցչուհու սպանության, ինքնաշեն ռումբ ստեղծելու, «Ալ Կաիդային» ֆինանսական աջակցություն ցուցաբերելու եւ ինտերնետ կայքեր ստեղծելու համար, որտեղ նա ահաբեկչական քարոզչություն էր տանում։ Դատական լսումների ժամանակ 30-ամյա մեղադրյալը հայտարարել էր, որ հոգեկան շեղումներ ունի, որոնց պատճառով հոգիներ է տեսնում, ուստի պատասխանատու չէ իր արարքի համար։ Սակայն բժշկական փորձաքննությունը նրան մեղսունակ էր ճանաչել, փոխանցում է «ՌԻԱ Նովոստի»-ն։
Հիշեցնենք, որ սպանությունը տեղի էր ունեցել 2014թ. դեկըեմբերին։ Տեսախցիկները ֆիքսել էին սեւ նիքաբ հագած մի կնոջ, որը փորձել էր ռումբ տեղադրել Աբու Դաբիի մեկ այլ ամերիկացի քաղաքացու բնակարանի մոտ, սակայն պայթուցիկը չէր գործել։