Եվրամիությունը հարգում է «Արեւելյան գործընկերության» անդամ պետությունների ընտրությունը, որոնք չեն պլանավորում ԵՄ-ի հետ ասոցացման համաձայնագիր ստորագրել։ Այս մասին երկուշաբթի Մինսկում հայտարարել է ԵՄ եվրոպական հարեւանության քաղաքականության եւ ԵՄ ընդլայնման հարցերով հանձնակատար Յոհաննես Հանը։
«Եվրամիությունը հարգում է նրանց ընտրությունը, ովքեր չեն պատրաստվում ամբողջովին ասոցացվել, տնտեսապես ինտեգրվել ԵՄ-ին, ասոցացման մասին համաձայնագիր ստորագրել»,-ասել է Հանը ԵՄ Արեւելյան գործընկերության նախարարական մակարդակով ոչ ֆորմալ հանդիպման ժամանակ, փոխանցում է «ՌԻԱ Նովոստի»-ն։
Միաժամանակ նա վստահություն է հայտնել, որ ԵՄ այդ նախաձեռնության բոլոր անդամները հետաքրքրված են ԵՄ-ի հետ հարաբերությունների բարելավմամբ եւ կկատարեն իրենց պարտավորությունները։